Ապրիլի 27-ին ԼՂՀ ՊՆ, ՊԲ հրամանատար, գեներալ-լեյտենանտ Մովսես Հակոբյանի նախագահությամբ տեղի է ունեցել մայիսյան տոնակատարությունների կազմակերպչական աշխատանքները համակարգող կառավարական հանձնաժողովի հերթական նիստը, որին մասնակցում էին կառավարության անդամներ, տարբեր գերատեսչությունների եւ վարչակազմերի ղեկավարներ, բարձրաստիճան զինվորականներ:
Խորհրդակցության ընթացքում քննարկվել են մայիսյան տոնակատարությունների կազմակերպման ուղղությամբ կատարված աշխատանքները, նախանշվել են դեռեւս լուծում պահանջող միջոցառումների ուղիները:
Նիստի ավարտին բանակի հրամանատարը կարեւորել է մայիսյան եռատոնին նվիրված միջոցառումների բարձր մակարդակով կազմակերպումը եւ դրանց վերաբերյալ տվել մի շարք ցուցումներ:
