Մոսկվայում հարձակվել են կինոդերասան Վալերի Գարկալինի վրա, որի հետեւանքով նա վնասվածքներ է ստացել: Նախնական տվյալներով, արտիստին ծեծի ենթարկելու պատճառը եղել է հարեւանների միջեւ խառնակչությունը, իսկ ծեծկռտուքը, հնարավոր է, սկսել է հենց դերասանը:
Միջադեպը տեղի է ունեցել այսօր՝ ապրիլի 27-ի առավոտյան, հաղորդում է «Ինտերֆաքսը»: Նախնական տվյալներով, արտիստին ծեծի է ենթարկել իր հարեւաններից մեկը: Կոնֆլիկտի ականատեսները ոստիկանություն եւ շտապօգնություն են կանչել, սակայն դերասանը հրաժարվել է հիվանդանոց գնալ:
LifeNews-ի տվյալներով, մի քանի անգամ հարվածել են Գարկալինի դեմքին, ապա վերցրել նրա բջջային հեռախոսը: Միջադեպն արձանագրել է անվտանգության տեսախցիկը: Կադրերում երեւում է, թե ինչպես անհայտ անձը Գարկալինին է մեկնում ձեռքը, հնարավոր է հաշտության համար, բայց վերջինս ոտքով հարվածում է դիմացինի ոտքերի արանքը: Ենթադրվում է, որ ծեծկռտուքի ժամանակ դերասանը զրկվել է ատամից: Բժիշկները կասկածում են, որ նրա քիթը եւս կոտրված է:
Վալերի Գարլակինը ռուսաստանցի եւ խորհրդային կինոդերասան է: Նա հայտնի է դարձել 1990-ականներին, երբ էկրան բարձրացավ «Շիրլի Միրլի» կատակերգությունը: Նա նկարահանվել է ավելի քան 100 ֆիլմերում ու սերիալներում: 1995-ին Գարլակինը «Կինոշոկ» փառատոնում արժանացել է «Լավագույն դեր» մրցանակին: