Ֆիննական Nokia-ն հերքել է անցյալ շաբաթ տարածված լուրերն այն մասին, որ արտադրողը պատրաստվում է հեռախոսների շուկա վերադառնալ:
«Այդ լուրերը կեղծ են եւ ներառում են մեկնաբանություններ, որոնք վերագրվում են Nokia Networks-ի մենեջերներին: Nokia-ն կրկին հայտարարում է, որ ներկայում ընկերությունը հեռախոսների արտադրության եւ վաճառքի ծրագրեր չունի»,- ասված է ընկերության հաղորդագրությունում:
Անցյալ շաբաթ Re/code կայքը, վկայակոչելով անանուն աղբյուրների, հաղորդել էր, որ ֆիննական ընկերությունը ծրագրում է 2016 թվականից վերադառնալ հեռախոսների շուկա: Հաղորդագրության համաձայն, նախաձեռնությունն արտադրողի Nokia Technologies ստորաբաժանմանն է: