Էվերեստի բազային ճամբարներից 200 լեռագնաց է տարհանվել Նեպալում տեղի ունեցած երկրաշարժի հետեւանքով առաջացած ձնահոսքի պատճառով։
Ավելի վաղ հայտնի էր դարձել, որ որոնողափրկարարական աշխատանքները վատ եղանակային պայմանների պատճառով հետաձգվել են։ Համաձայն Նեպալի զբոսաշրջության նախարարության տվյալների՝ ձնահոսքի ժամանակ զոհվել է 19 լեռնագնաց, որոնցից 5-ը՝ օտարերկրացի։ Տուժած լեռնագնացներին տեղափոխել են Կատմանդուի հիվանդանոց, որտեղ նրանց օգնություն է ցուցաբերվել, հայտնում է «ՌԻԱ Նովոստի»-ն։
Հիշեցնենք, որ 7.9 մագնիտուդով երկրաշարժը տեղի էր ունեցել շաբաթ օրը առավոտյան Նեպալում։ Երկրաշարժի հետեւանքով զոհվել է 4310 մարդ, ավելի քան 8000-ը վիրավոր է։