ՌԴ Պետդումայի խոսնակ Սերգեյ Նարիշկինը պաշտպանել է Ռուսաստանի եւ Եվրամիության ընդհանուր ապագայի հարցում Չեխիայի նախագահ Միլոշ Զեմանի կարծիքը։ Նրա կարծիքով՝ հիմա ճիշտ ժամանակն է այդ մասին ոչ միայն երազել, այլ բարձրաձայնել եւ խորհրդատվություններ սկսել։
«Զեմանը չի բացառել, որ ԵՄ երկրները կմիավորվեն ՌԴ կազմում։ Մեր երկիրը մեկ անգամ չի խոսել երկու տարածաշրջանային միավորումների՝ ԵՏՄ-ի եւ Եվրամիության հնարավոր ապագա ինտեգրման մասին»,- գրել է Նարիշկինը «Կոմսոմոլսկայա պրավդա» թերթում։ Նա նշել է, որ հարցի նման ձեւակերպումը երեւակայության ժանրից չէ, քանի որ Ռուսաստանը «եղել ու մնում է եվրոպական ազգերի ընտանիքում»։
Ընդ որում, Նարիշկինը չի պարզաբանել, թե ինչպիսի տեսք կարող է ունենալ նոր, եվրոպացիների հետ ընդհանուր օրակարգը՝ նշելով, որ դա առանձին զրույցի թեմա է։
Նշենք, որ ապրիլի 23-ին Զեմանը խոստովանել էր, որ մտածում է Ռուսաստանի եւ ԵՄ տնտեսությունների ապագա ինտեգրման մասին։
