Հանրապետական կուսակցության անդամ գործարարներն իրենք պետք է ի վիճակի լինեն լուծել հնարավոր վեճերը հարկային ծառայության հետ։ Այդ մասին լրագրողներին հայտնել է Ազգային Ժողովի նախագահ Գալուստ Սահակյանը՝ պատասխանելով ՀՀԿ-ական պատգամավոր Աշոտ Աղաբաբյանի մոտ սկսված հարկային ստուգումների մասին հարցին։
«Իսկ ինչո՞ւ նման ստուգումներ չպետք է անցկացվեն։ Չեմ կարծում, թե այստեղ ինչ-որ անարդարություն կամ խախտում կա, ես դատավոր չեմ, որ բան որոշեմ»,- ասել է Սահակյանը։ Նրա խոսքով, ստուգումներն ուղղված չեն հենց ՀՀԿ-ի դեմ՝ ստուգել բոլորի բիզնեսը։ «Եւ եթե ինչ-որ հարցեր են ծագում, բիզնեսը պետք է դրանք կարողանա լուծել»,- ընդգծել է Գալուստ Սահակյանը։
