Թուրքական մամուլին հիմա էլ կատաղեցրել է Ռուսաստանի վարչապետ Դմիտրի Մեդվեդեւի ցավակցական հեռագիրը հայաստանցի իր գործընկեր Հովիկ Աբրահամյանին, որում ցավակցում է հայ ժողովրդին եւ դատապարտում հայերի հանդեպ տեղի ունեցած ցեղասպանությունը։
Թուրքական Hurriyet-ը գրել է, որ ՌԴ նախագահ Պուտինից հետո վարչապետ Մեդվեդեւն էլ ասաց ցեղասպանություն։
Radikal պարբերականը եւս անդրադարձել ՝ նշելով, որ չնայած Պուտինի կողմից ցեղասպանություն բառն արտասանելուց հետո Թուրքիայի ԱԳՆ-ն խիստ էր արձագանքել, ՌԴ վարչապետը եւս ասաց ցեղասպանություն։
Թուրքական իշխանամետ Sabah-ն էլ գրել է Մեդվեդեւի հեռագրի մասին՝ մեջբերելով Մեդվեդեւի խոսքերը. «Այս օրերին մենք հարգանքի տուրք ենք մատուցում պատմության ամենաողբերգական իրադարձություններից մեկի՝ Հայոց ցեղասպանության զոհերի հիշատակին»։
Թուրքական Hizli Haber կայքն էլ հիշյալ լուրը վերնագրել է. «Ռուսները սիրեցին ցեղասպանությունը. Մեդվեդեւն էլ ասաց ցեղասպանություն»։
Haberola կայքը հետաքրքիր մեկնաբանությամբ է հայտնել Մեդվեդեւի հեռագրի մասին լուրը՝ հեգնելով թուրքական իշխանություններին. «Արտաքին քաղաքականության մեջ հրաշքներ գործող մեր հաջողակ քաղաքականությունը շարունակվում է։ Պուտինը ցեղասպանություն ասաց, շատ բարկացանք։ Այնքան բարկացանք, որ ահա արդյունքը՝ Մեդվեդեւն էլ ասաց ցեղասպանություն։