Հայկական ատոմակայանի նոր էներգաբլոկում պոտենցիալ ներդնողներն արդեն հայտնվում են։ Այդ մասին հայտարարել է էներգետիկայի եւ բնական պաշարների փոխնախարար Արեգ Գալստյանը՝ ներկայացնելով Ռուսաստանի հետ ֆինանսական համաձայնագրի նախագիծը՝ ՀԱԷԿ-ի գործողության ժամկետը երկարաձգելու համար (վակ 270 մլն, եւ դրամաշնորհ՝ 30 մլն դոլար)։
Եթե 2-3 տարի առաջ իրավիճակն անորոշ էր, այժմ հայկական կողմը գործընկերներ ունի, որոնք հայտարարել են նախագծին մասնակցելու պատրաստակամության մասին, ասել է փոխնախարարը։
Ռուսական կողմը պատրաստ է ներդնել նախագծում՝ սարքավորումների տեսքով (կայանի արժեքի մոտ 35 տոկոսը)։ Մյուս մասը Մոսկվան պատրաստ է տալ որպես վարկ, բայց նման տոկոսադրույք Հայաստանն իրեն թույլ տալ չի կարող։
Մյուս կողմից, Հայաստանը չի կարող յոլա գնալ միայն ինքնիշխան վարկային երաշխիքներով։ «Մեր կայանների պես կայաններն այժմ կառուցվում են մոտ 5 մլրդ դոլար արժեքով։ Անհրաժեշտ է մասնավոր հատվածի աջակցությունը, եւ այստեղ, ինչպես նշեցի, հեռանկարները նշմարվում են»,- նշել է փոխնախարարը։
Նոր էներգաբլոկի շինարարությունը պետք է սկսվի առավելագույնը 2018թ.։
