Մայիսի 5-ին Հայաստանի Ազգային ժողովն արտահերթ նիստ կգումարվի: Այս մասին այսօր՝ ապրիլի 30-ին, կառավարության նիստում հայտարարել է Կառավարության աշխատակազմի ղեկավար-նախարար Դավիթ Հարությունյանը:

ԱԺ-ն կքննարկի «Առեւտրի եւ ծառայությունների մասին» օրենքի փոփոխությունների նախագիծը, որը նախատեսում է հսկիչ դրոշմակնիքներ կիրառել պարենային ապրանքների եւ մի շարք ոչ պարենային ապրանքների (շպարի առարկաներ եւ օծանելիք) շրջանառության ժամանակ: Գործող դրոշմակնիքները կորցնում են ուժն ապրիլի 30-ից: