74 տարեկանում մահացել է ադրբեջանցի քաղաքագետ Վաֆա Գուլուզադեն։

Գուլուզադեն ծնվել է 1940թ. դեկտեմբերի 21-ին Բաքվում։ 1990թ. ընդունել էր Ադրբեջանի առաջին նախագահ Այազ Մութալիբովի առաջարկը եւ ստանձնել Ադրբեջանի արտաքին քաղաքական հարցերով պետական խորհրդականի պաշտոնը։ Այդ պաշտոնում նա մնացել էր նաեւ Աբուլֆազ Էլիչիբեյի եւ Հեյդար Ալիեւի օրոք, եղել Ադրբեջանի Անվտանգության խորհրդի անդամ։

1999թ. ստեղծել էր Կասպից տարածաշրջանի պետությունների քաղաքական հետազոտությունների հիմնադրամը, որի նախագահների կազմում էին Հենրի Քիսինջերը, Զբիգնեւ Բժեզինսկին եւ Ջեյմս Բեյքերը։