Կիեւում ավտոլցակայանի վրա հարձակման մասնակիցների մոտ, ինչի արդյունքում երկու ոստիկան է զոհվել, «Տորնադո Հատուկ ստորաբաժանում» եւ «ՈՒԱԲ» (Ուկրաինական ապստամբական բանակ) թեւակար են հայտնաբերել: Այս մասին Facebook-ի իր էջում գրել է Ուկրաինայի ՆԳ նախարար Արսեն Ավակովը:
Հիշեցնենք, որ մայիսի 4-ի գիշերը ավտոլցակայանի վրա խուլիգանական հարձակման եւ գողության մեջ կասկավողներին ձերբակալելու ժամանակ երկու ոստիկան է զոհվել: Հանցագործները նրանք ուղղությամբ ական են նետել, փոխհրաձգություն է տեղի ունեցել:
Իրավապահներին հաջողվել է հարձակվողներից երեքին ձերբակալել, եւս մեկը սպանվել է: Բնակարանում, որտեղ ձերբակալել են տղամարդկանց, զենք ու զինամթերք են հայտնաբերել:
«Խոստովանեցին: Հենց նրանք էլ երկու օր առաջ կրակ են բացել Բիկովնիի պետավտոտեսչության կայանի ուղղությամբ… Զոհվածներից մեկը երեք երեխա ունի, մյուսը՝ երկու…»,- հաղորդագրությունում նշել է Ուկրաինայի ՆԳ նախարարը: