Թուրքիայում ԱՄՆ դեսպան Ջոն Բասը հայտարարել է, թե 1915-ին մասին բաց խոսելը կօգնի կարգավորել հայ-թուրքական հարաբերությունները։
Թուրքական Hurriyet-ի փոխանցմամբ՝ Անկարայում ԱՄՆ դեսպան Ջոն Բասը մամուլի օրվա առթիվ լրագրողների հետ հանդիպման ժամանակ խոսել է նաեւ 1915-ից եւ հայ-թուրքական հարաբերություններից։
«Թուրքիան եւ Հայաստանը կենտրոնացել են մեկ օրվա վրա։ Սակայն կարեւորը հարցի լուծումն է։ Կարեւոր է կենտրոնանալ, թե տարվա մյուս օրերին մենք ինչ պետք է անենք։ Պետք է բաց խոսել, թե ինչ է տեղի ունեցել 1915-ին։ Դա կօգնի հայ-թուրքական հարաբերությունների կարգավորմանը»,-ասել է Ջոն Բասը։
