Հայաստանի Ազգային ժողովը վավերացրել է Վրաստանի հետ սահմանին նոր կամրջի (Բարեկամության կամուրջ) շինարարության մասին համաձայնագիրը: Համապատասխան փաստաթուղթը Վրաստանի հետ կնքվել է 2014 թվականի դեկտեմբերի 24-ին: համաձայնագրին ԱԺ-ում կողմ է քվեարկել 114 , դեմ՝ 0, ձեռնպահ՝ 2 պատգամավոր:
Վրացական կողմը համաձայնել է ֆինանսավորել շինարարության մոտ կեսը (10 մլն եվրո): Հայաստանի եւ Վրաստանի կողմից ֆինանսավորման նախնական համամասնությունը 40/60 է: Հստակ համամասնությունը պարզ կլինի նախագծային նախահաշիվը կազմելուց հետո:
Հայկական կողմի ֆինանսավորումը կիրականացվի Վերակառուցման եւ զարգացման եվրոպական բանկից ստացված վարկի հաշվին:
Գործող կամուրջը կառուցվել է 1960 թվականին, որի լայնությունը բավարար չէ ավտոտրանսպորտի ներկա հոսքի պայմաններում: