ԵՏՄ գագաթնաժողովի հիմնական թեման կլինի Ղրղզստանի անդամակցության ժամանակ ի հայտ եկած խնդիրները։ Այս մասին լրագրողներին հայտնել է ՌԴ նախագահի օգնական Յուրի Ուշակովը։
«Հիմնական թեման ԵՏՄ-ին Ղրղզստանի անդամակցության հարցն է։ Վերջին օրերին այդ ճանապարհին գործնական բարդություններ էին առաջացել եւ ակնհայտ է, որ դրանք քննարկվելու են»,- հայտարարել է նա եւ պարզաբանել, որ Ղրղզստանը մարտին առաջարկել է փոփոխություններ մտցնել միջկառավարական մակարդակով համաձայնեցված արձանագրություններում, ինչը Միության անդամների համար տրամաբանական չի թվում, եւ այդ ենթատեքստում Ղրղզստանի անդամակցության հարցը կքննարկվի, փոխանցում է ՏԱՍՍ-ը։
Եվրասիական տնտեսական Գերագույն խորհրդի նիստը կկայանա 2015թ. մայիսի 8-ին։