Մեծի տանն Կիլիկիո կաթողիկոս Արամ Ա-ն ԱՄՆ-ում Հովվապետական այցելության ընթացքում մոտիկից հետեւում է Սիսի Կաթողիկոսարանի վերադարձի գծով Թուրքիայի Սահմանադրական դատարան ներկայացրած իր հայցին:
Այս գործի շրջանակներում նա Վաշինգթոնում աշխատանքային հանդիպում է ունեցել այդ դատի հանձնախմբի անդամ դոկտոր Թաներ Աքչամի հետ, որը դրական արժեւորում է ունեցել մինչ օրս կատարված աշխատանքներում:
Վեհափառ Հայրապետն ընդգծելով վերջին շաբաթների ընթացքում տեղի ունեցած զարգացումների հատկանշական երեւույթները, շեշտել է նոյն թափով աշխատանքները շարունակելու անհրաժեշտությունը: Այս բոլորի լույսի տակ, որոշվել է մայիսի ընթացքում Կաթողիկոսարանի դատի մասին մամուլի ասուլիս կազմակերպել Ստամբուլում, Թուրքիայում հունիսի 7-ին տեղի ունենալիք խորհրդարանական ընտրություններից առաջ:
Նշենք, որ Արամ Ա-ն մշտական կապի մեջ է դատի հանձնախմբի մյուս անդամների հետ, եւ հետեւում է միջազգային մամուլի արձագանգներին ու Թուրքիայի կողմից կատարվող հակազդեցություններին:
