Հայաստանի իշխանությունները վախենում են ՀԷՑ-ի մասին ճշմարտությունից։ Այս մասին մայիսի 18-ին խորհրդարանում հայտարարեց ՀԱԿ խմբակցության ղեկավար Լեւոն Զուրաբյանը։
Այդուհանդերձ նրա խոսքով՝ այդ հարցը վերաբերում է ոչ միայն իշխանությանն ու ընդդիմությանը։ Ոչ ոք չի ցանկանում հաղթողի փառքին արժանանալ։ Հարցը հուզում է ողջ ազգին, եւ հաղթելու են բոլորը։ «Եվ Հայաստանի իշխող ուժը պետք է ինքը շահագրգռված լինի ցանցերի նկատմամբ հանրային վերահսկողություն հաստատելու գործում։ Սակայն իշխանությունը ոչ միայն հրաժարվում է մեր առաջարկներից, այլ անում է դա ագրեսիվ կերպով՝ թույլ չտալով մեզ խոսել»,- ասաց պատգամավորը։
ՀԱԿ-ն առաջարկել է ստեղծել ժամանակավոր պատգամավորական հանձնաժողով, որը կուսումնասիրի էլեկտրացանցերի վիճակը։ Սակայն կարեւոր է ոչ թե հանձնաժողովը, այլ քննարկումը։ «Մեր խնդիրն է խորհրդարանում քննարկումների համար հարթակ ստանալ։ Իսկ դա հնարավոր է անել միայն որեւէ փաստաթղթի նախագծով։ Սակայն կարեւորը քննարկումն է այն ամոթալի իրավիճակի, երբ սպառողին ցանկանում են պարտադրել փակել էլեկտրացանցերի օպերատորի պարտքերը»,- եզրափակեց Զուրաբյանը։
Այս պահին ՀԱԿ-ը հավաքել է 44 անհրաժեշտ ստորագրություններից 17-ը հարցը արտահերթ կարգով լիագումար նիստի քննարկմանը դնելու համար։