Կատարում աշխատանքային միգրանտների մասին ռեպորտաժ նկարելու համար երկրի կառավարության հրավերով Դոհա ժամանած լրագրողները երկու օր ստիպված են եղել անցկացնել բանտում, գրում է BBC-ն։
Կատարի կառավարության հրավերը պայմանավորված էր այն հանգամանքով, որ վերջերս մամուլում լուրեր էին շրջանառվում այն մասին, որ 2022թ ֆուտբոլի Աշխարհի առաջնության շինարարական աշխատանքները կատարող ներգաղթյալները ստրկական պայմաններում են ապրում։
BBC-ի լրագրող Մարք Լոբելի խոսքով՝ օպերատորին, վարորդին եւ թարգմանչին ձերբակալել են Դոհայի փողոցներից մեկում, երբ նրանք գնում էին հանդիպելու նեպալցի բանվորների խմբի հետ։ Նրանց խուզարկել են, առգրավել պրոֆեսիոնալ սարքավորումները, համակարգչային տեխնիկան եը տեղափոխել ոստիկանական բաժանմունք, գրում է NEWSru-ն։
Նրանց մեղադրանք չեն առաջադրել, միայն հարցաքննել են։ Գիշերը նրանց տեղափոխել են տեղի բանտը եւ 2 օր անց բաց թողել։