Էլեկտրաէներգիայի հարցով ԱԺ ժամանակավոր հանձնաժողով ստեղծելու հարցը ԱԺ-ում արտահերթ քննարկման դնելու համար անհրաժեշտ 44 ստորագրություններից հավաքվել է ընդամենը 17-ը:
ՀԱԿ խմբակցության նախաձեռնած ստորագրահավաքին միացել է ՕԵԿ-ը, «Ժառանգությունից» Ալեքսանդր Արզումանյանը, Խաչատուր Քոքոբելյանը, Զարուհի Փոստանջյանը, ինչպես նաեւ անկախ պատգամավոր Էդմոն Մարուքյանը: Ընդդիմադիր ԲՀԿ-ն եւ ՀՅԴ-ն չեն միացել նախաձեռնությանը:
Նշենք, որ ԱԺ ՀԱԿ խմբակցությունն առաջարկում էր ժամանակավոր հանձնաժողով ստեղծել՝ Հայաստանի էներգահամակարգում ստեղծված իրավիճակն ուսումնասիրելու համար:
Հիշեցնենք, որ ՀԷՑ-ը դիմել է Հանրային ծառայությունների կարգավորող հանձնաժողովին՝ հոսանքի սակագինը, նախնական մոտ 16 դրամով բարձրացնելու համար։ Հոսանքի թանկացմանը կհաջորդի առաջին անհրաժեշտության ապրանքների թանկացումը, որը մեծ հարված կլինի ցանկացած ՀՀ քաղաքացու գրպանին։