Հայաստանում իրացվող Beeline Smart բրենդային սմարթֆոններում նաեւ հայերենով ծրագիր կա: Այս մասին մայիսի 19-ին լրագրողների հետ հանդիպմանը հայտարարեց Հայաստանում «Բիլայն»-ի գլխավոր տնօրեն Անդրեյ Պյատախինը:
Beeline Smart-ում հավելվածներն անգլերենով եւ ռուսերենով են: Սակայն My Beeline-ը, որը բաժանորդին թույլ է տալիս կառավարել ծառայությունները, նաեւ հայերեն է «խոսում»:
«Դրա օգնությամբ կարելի է միացնել եւ անջատել ծառայությունները, ծանոթանալ մեր նորություններին: Այն մշակվել է հատուկ մեր հայ բաժանորդների համար, եւ մենք շարունակելու ենք զարգացնել մեր հայալեզու բովանդակությունը»,- հավելեց «Բիլայն»-ի տնօրենը:
«ԱրմենՏել»-ը (Beeline ապրանքանիշ) Հայաստանի խոշորագույն հեռահաղորդակցության օպերատորներից, հարկատուներից եւ գործատուներից մեկն է: Ընկերությունում շուրջ 2.500 մարդ է աշխատում: 2014 թվականին «ԱրմենՏել»-ի հարկերն ու պետական մյուս վճարումները շուրջ 14 մլրդ դրամ են կազմել:
