Հայաստանի քաղաքացիների համար հիփոթեքային արտոնությունները դժվարությամբ են կիրառվում։ Այս մասին մայիսի 21-ին կայացած կառավարության նիստում հայտարարեց ՀՀ վարչապետ Հովիկ Աբրահամյանը։

Նա հիշեցրեց, որ 2014թ. նոյեմբերից ուժի մեջ են մտել արտոնությունները, որոնցով բնակարանը կառուցապատողից գնելու դեպքում եկամտահարկը վարկային տոկոսների չափով կրճատվում է։

Վարչապետը նշել է, որ դրանով Կառավարությունը թեթեւացնում է քաղաքացիների բեռը, որոնք ցանկանում են բարելավել իրենց բնակարանային պայմանները եւ նպաստել բնակարանային ոլորտի ակտիվացմանը։ «Այդ ծրագրից պետք է հնարավորինս շատ մարդ օգտվի, սակայն քաղաքացիները  բողոքում են գործնականում առաջ եկող դժվարություններից։ Այդ պատճառով ֆինանսների նախարարին հանձնարարում եմ կարճ ժամկետում ուսումնասիրել իրավիճակը եւ հեշտացնել նոր կարգից օգտվելու մեխանիզմները»,- կարգադրեց վարչապետը։