Վաշինգթոնի ոստիկանությունը ձերբակալել է ամերիկյան American Iron Works խոշորագույն շինարարական ընկերության ղեկավար Սավվաս Սավոպոլուսի եւ նրա ընտանիքի սպանության գործով կասկածյալին, գրում է AP-ն։
ԱՄՆ պատժամիջոցների կիրառման եւ դատական կարգադրիչների դաշնային ծառայության ներկայացուցիչ Դեւիդ Նոյմանը հայտնել է, որ 34-ամյա Դարոն Դիլոն Վինթին մայիսի 21-ին Վաշինգթոնում կալանավորել են, փոխանցում է «ՌԻԱ Նովոստի»-ն։
Հիշեցնենք, որ մայիսի 16-ին մահացած էին գտել խոշոր ամերիկյան շինարարական ընկերության ղեկավարին, նրա կնոջը, 10-ամյա որդուն եւ տան աշխատակցին։ Ընտանիքն ապրում էր ԱՄՆ փոխնախագահ Ջո Բայդենի հարեւանությամբ։ Ըստ վերքերի քննության՝ հնարավոր է եղել պարզել, որ զոհերի ձեռերը մահանալուց մեկ օր առաջ մի քանի ժամ շարունակ կապված են եղել։ Նրանց մարմինների վրա հայտնաբերվել են ծակող բութ գործիքով հասցված վերքեր։
Իրավապահները դեռ չեն նշում սպանության դրդապատճառները։ Գործարարի տանից անհետացել է 40 հազար դոլար գումար։