Կանադայի Տորոնտո քաղաքի ոստիկանությունը ձերբակալել է մի տղամարդու, որը փոստով մի քանի կգ թմրանյութ էր առաքել։ Ինչպես հայտնում է CTV News-ը, ծանրոցի մեջ եղել է ավելի քան 5 կգ կոկաին եւ 1 կգ կետամին։ Թմրանյութերի խմբաքանակը գնահատվում է 550 հազար կանադական դոլար։

Թմրանյութը հերմետիկ փաթեթներով թաքցրել էին կարմիր պղպեղի փաթեթների մեջ, որի հոտը թույլ չէր տա շներին ճանաչել թմրանյութը, փոխանցում է Lenta-ն։

Ծանրոցը կասկածներ էր առաջացրել փոստի աշխատակցի մոտ, եւ նա ոստիկանություն էր կանչել։ Չարագործին հաջողվել էր բռնել այն ժամանակ, երբ նա փորձել էր փոստով եւս մեկ ծանրոց ուղարկել։

Տղամարդը կալանավորվել է։