Ինդոնեզիայի արեւելքում մայիսի 24-ին 5.2 մագնիտուդով երկրաշարժ է տեղի ունեցել:
Երկրի Օդերեւութաբանության եւ երկրաֆիզիկայի ազգային վարչության տեղեկացմամբ, ցունամիի վտանգ չկա:
Ըստ ՌԻԱ Նովոստիի, ստորգետնյա ցնցման էպիկենտրոնը գտնվել է Մոլուկկի գավառի Տուալ քաղաքից 197 կմ հյուսիս-արեւմուտք: Տուժածների եւ ավերածությունների մասին տեղեկություններ չկան:
Ինդոնեզիան, այսպես կոչված, Խաղաղօվկիանոսյան հրե օղակի մաս է կազմում: Երկրագնդի այս հատվածում ամենաակտիվ տեկտոնիկ սալիկներն են տեղակայված: Ամեն տարի սեյսմոլոգներն այստեղ 4.0-ից բարձր մագնիտուդով 6-7 հազար երկրաշարժ են գրանցում:
