Արտաշատի քաղաքապետի ընտրություններում ինքնառաջադրված, անկուսակցական վարչապետի որդու հիմնական մրցակից համարվող Հովհաննես Ղազարյանը («Գազի Հովոն») ինքնաբացարկ է հայտնել: NEWS.am-ը Կենտրոնական ընտրական հանձնաժողոից տեղեկացավ, որ Հովհաննես Ղազարյանը դուրս է եկել ընտրապայքարից: Այսպիսով, հունիսի 7-ին Արտաշատի քաղաքապետի ընտրություններում մնացել է մեկ թեկնածու՝ վարչապետի որդին՝ Արգամ Աբրահամյանը:
Ավելի վաղ թեկնածուներից մեկը եւս՝ Գարեգին Համբարձումյանը հետ էր վերցրել փաստաթղթերը: Հովհաննես Ղազարյանը մեզ հետ զրույցում, անդրադառնալով իր թեկնածությունը հանելուն, ասել էր, որ Արգամ Աբրահամյանը ավելի լավ կղեկավարի Արտաշատը. քան ինքը: Հարցին, թե այդ ինչ հատկանիշ ունի վարչապետի որդին, որ շնորհիվ ավելի վաղ կղեկավարի քաղաքը, նա նշել է, որ Արգամ Աբրահամյանը երիտասարդ է, բոլոր հնարավոր լծակները ունի, եթե իր դեպքում շատ բաներ խնդրեր, կմերժեին, ապա իրեն հաստատ չեն մերժի: «Ես հանուն ժողովդրի եմ դա անում, արտաշատցիների ցավը տանեմ»,-ասել էր նա: