Ռուսաստանի կառավարությունը հավանություն է տվել Եվրասիական տնտեսական միության եւ Վիետնամի միջեւ Ազատ առեւտրի գոտի ստեղծելու համաձայնագրին։ Այս մասին ասված է ՌԴ կառավարության մամուլի ծառայության տարածած հայտարարության մեջ։
Համաձայնագիրը նախատեսում է ազատականացնել ԵՏՄ անդամ երկրների եւ Վիետնամի միջեւ առեւտրի սակագների պայմանները ներկրվող ապրանքների մաքսային տուրքերի նվազեցման կամ զրոյացման միջոցով։ Ընդ որում, կողմերը մի շարք զգայուն ապրանքային դիրքերի համար կպահպանեն սակագնային պաշտպանությունը։
Համաձայնագիրը ստորագրելուց հետո պետք է ուղարկեն վավերացման, գրում է Lenta-ն։