Երկրապահ կամավորների միությունը Աբովյանի ընտրություններին պաշտպանելու է Վահագն Գեւորգյանին: Այսօր՝ մայիսի 25-ին, նման որոշում է կայացվել ԵԿՄ Կոտայքի մարզային խորհրդի նիստի ժամանակ:
«2015թ.-ի հունիսի 7-ին Աբովյանում կայանալիք քաղաքապետի արտահերթ ընտրություններում պաշտպանելու ենք Հայաստանի Հանրապետության Ազգային Ժողովի Պաշտպանության, ազգային անվտանգության եւ ներքին գործերի մշտական հանձնաժողովում երկարամյա աշխատանքային փորձ ունեցող Վահագն Ժիրայրի Գեւորգյանի թեկնածությունը` հաշվի առնելով այն հանգամանքը, որ ԵԿՄ անդամ Վահագն Գեւորգյանը պարտաճանաչ կատարել է իր բոլոր պարտականությունները՝ 1997թ-ից սկսած երկար տարիներ իր մասնագիտական կարողություններն ու գիտելիքները անշահախնդիր ծառայեցրել է Երկրապահ կամավորականների միության ինստիտուցիոնալ կայացման, ոլորտին վերաբերող օրենսդրական դաշտի կատարելագործման աշխատանքներին»,- ասված է որոշման մեջ:
Նշենք, որ Վահագն Գեւորգյանը Ծառուկյանին օգնականն է: