Մոսկվայի դպրոցականներին, որոնք ավարտական երեկոն նշելու են Գորկիի զբոսայգում, արգելվում է այգու տարածքում ալկոհոլ թաղել:
«Ավարտականն անցկացնելու ժամանակ Գորկիի զբոսայգու տարածք ալկոհոլ բերել չի կարելի: Բացի այդ, արգելվում է զբոսայգու տարածքում նախապես ալկոհոլ թաքցնել, ինչպես անցյալ տարիներին շատերն են արել: Այգու տարածքում նաեւ չեն վաճառվելու ալկոհոլային խմիչքներ, իսկ մուտքի մոտ, անվտանգության նկատառումներով, բոլոր հյուրերին պարտադիր ստուգում է սպասվում»,- հայտարարել են «Մոսկովյան ավարտականի» մամուլի ծառայությունում:
Ավարտական երեկոն Գորկիի զբոսայգում անցկացվելու է հունիսի 19-ի լույս 20-ի գիշերը: Այս տարի տոնը նվիրված է լինելու պատմական հայտնի անձանց: Սպասվում է, որ միջոցառմանը շուրջ 20 հազար շրջանավարտ է մասնակցելու: