Ոստիկանության Արագածի բաժնի աշխատակիցները բացահայտել են Ալագյազ գյուղում կատարված գողությունները:
2013թ. սեպտեմբերին Ալագյազ գյուղում գտնվող բջջային օպերատորներից մեկի շարժական կապի կայան-տնակից անհայտ անձինք 12 էլեկտրական մարտկոց էին գողացել՝ սեփականատիրոջը պատճառելով 1 մլն 800 հազար դրամի վնաս: 2014թ. մարտից հունիսն ընկած ժամանակահատվածում եւս մեկ գողություն էր կատարվել այդ տարածքում. այս անգամ անհայտ անձինք գողացել էին 3 էլեկտրական մարտկոց՝ ավելի քան 200 հազար արժողության:
Ոստիկանության Արագածի բաժնի աշխատակիցներին միայն այս տարվա մայիսի 15-ին է հաջողվել բացահայտել գողությունները կատարած անձանց՝ 21-ամյա Այդին Դավոյանին եւ 22-ամյա Տիգրան Մուրադյանին:
Նրանք բերման են ենթարկվել եւ տվել են խոստովանական ցուցմունք:
Քրեական օրենսգրքի 177-րդ հոդվածի 2-րդ մասի 2-րդ եւ 3-րդ կետի հատկանիշներով հարուցված քրեական գործի նախաքննությունը շարունակվում է:
Մանրամասները՝ ոստիկանության պատրաստած տեսանյութում: