Ազգային ժողովի «Բարգավաճ Հայաստան» խմբակցության ղեկավար Նաիրա Զոհրաբյանի մանկատների վերաբերյալ հայտարարության առթիվ քննություն է կատարվում: NEWS.am-ի տեղեկություններով՝ հայտարարության վերաբերյալ ոստիկանությունում նյութեր են նախապատրաստվում, հանգամանքները պարզվում են:
Նշենք, որ երեկ ԱԺ-ում ԲՀԿ խմբակցության ղեկավար Նաիրա Զոհրաբյանը, դիմելով Մարդու իրավունքների պաշտպան Կարեն Անդրեասյանին, հայտարարել էր Երեւան քաղաքի մանկատներից օրավարձով երեխաներին վերցնելու եւ նրանց մուրացկանության համար օգտագործելու մասին: Զոհրաբյանը վերը նշված հայտարարությամբ հայտնել է նաեւ, որ անհրաժեշտության դեպքում կհայտնի մանկատան անունը: