Google  ընկերությունը ներկայացրել է նոր ֆոտոծառայույթուն՝ Google Photos, որը, ինչպես ակնկալվում է, կարող է մրցակցել Instagram-ի հետ։

Ընկերության հայտարարության մեջ նշված է, որ Google Photos ծառայությունը մշակելիս առաջնային խնդիրը եղել է օգտատերերին հնարավորություն տալ մեկ տեղում պահպանել տարբեր սարքավորումներից արված լուսանկարները եւ դրանք արագ պատճենել։

Բացի այդ, նոր ծառայությունը հնարավորություն կտա առավել արդյունավետ փնտրել անհրաժեշտ լուսանկարը, գրում է BBC-ի Ռուսական ծառայությունը։

Google Photos-ը հասանելի կլինի համացանցին միացած ցանկացած սարքավորման համար։ Ընդ որում, ընկերությունը խոստանում է, որ նկարների պահոցը կլինի անսահմանափակ եւ կճանաչի մինչեւ 16 մեգաբայթ չափի նկարներ։