2016-ի հունվարի 1-ից հղիության եւ երեխայի ծննդաբերության նպաստ կստանան մոտ 30 հազար չաշխատող մայրեր: Այս մասին, այսօր՝ մայիսի 29-ին, Հայաստանի ԱԺ-ում հայտարարել է Աշխատանքի եւ սոցիալական հարցերի նախարար Արտեմ Ասատրյանը:
Ավելի վաղ Սոցիալակն ապահովության պետական ծառայության պետի տեղակալ Սմբատ Սաիյանը հայտարարել էր, որ այդ նպատակով բյուջեից անհրաժեշտ կլինի 11 մլրդ դրամ (գործող փոխարժեքով 23 մլն դոլար): Նպաստի միջին չափը 2016-ին կկազմի 275 հազար դրամ:
Հիշեցնենք, որ ավելի վաղ 140 օրվա համար նպաստ ստանում էին միայն աշխատող մայրերը:
