Հայաստանի Ֆինանսների նախարարությունը ոչ մի դեպքում չի պատրաստվում բիզնեսը դասակարգել ըստ տերերի: Այս մասին հունիսի 4-ին խորհրդարանում լրագրողներին հետ զրույցում հայտարարեց Հայաստանի Ֆինանսների նախարար Գագիկ Խաչատրյանը:
«Խորհուրդ կտամ բիզնեսը չքննարկել անուններով եւ կուսակցություններով: Դա շատ վատ է գործարար մթնոլորտի համար: Մեր նախարարությունում նման մոտեցումն արգելված է: Պատկերացրեք, եթե մենք խորանանք, թե ով այս երկրում ինչ ունի»,- հայտարարեց նախարարը:
Պատասխան հարցին՝ «Եվ ի՞նչ կլինի այդ դեպքում», Խաչատրյանը նկատեց. «Մենք ոչինչ չենք քաղաքականացնում, ցանկացած ձեռնարկություն որպես տնտեսվարող սուբյեկտ ենք դիտարկում, եւ միայն: Իհարկե, մենք որոշակի տեղեկությունների ենք տիրապետում, բայց դրանք չենք օգտագործում քաղաքական նպատակներով, բիզնեսը չենք դասակարգում ըստ պաշտոնյաների, պատգամավորների կամ խմբակցությունների»:
