Անկարան հետ կվերադարձնի Թուրքիային վերաբերող Եվրախորհրդարանի բանաձեւը: Այս մասին լրագրողների հետ զրույցում նշել է Թուրքիայի ԵՄ հարցերով նախարար Վոլքան Բոզքըրը: Նրա խոսքով, Թուրքիան չի ընդունում այդ զեկույցը, որը Եվրախորհրդարանի կողմից ընդունված «ամենաանհաջող որոշումն է»,-հաղորդում է Hurriyet Daily News-ը:
Զեկույցում հիշատակում կա 1915 թվականի իրադարձությունների մասին, որը նախարարի խոսքով ավելացվել է վերջին րոպեին:
«Այդ հիշատակման հիման վրա, մենք այդ զեկույցն անընդունելի ենք համարում: Բրյուսելում ԵՄ մեր մշտական ներկայացուցիչը հետ կվերադարձվի զեկույցը ԵՎրախորհրդարանին»,-ասել է Բոզքըրը՝ հավելելով, որ Թուրքիան երբեք չի ընդունել եւ չի ընդունի, որ 1915 թվականի իրադարձությունները ցեղասպանություն են:
Թուրք նախարարն ընդգծել է, որ այդ զեկույցը չի մոտեցնում Թուրքիային եւ ԵՄ-ին եւ չի արտացոլում Անկարայի եւ Բրյուսելի միջեւ իրական վիճակը:
