Ռուս օպերային երգիչ Դմիտրի Խվորոստովսկին, ում մոտ գլխուղեղի ուռուցք էր հայտնաբերվել, բուժման կուրս կանցնի Լոնդոնի Royal Marsden ուռուցքաբանական կլինիկայում։ Այս մասին հայտնում է «Ինտերֆաքս»-ը՝ վկայակոչելով երգչի ընտանիքի անդամներին մոտ կանգնած իր աղբյուրները։
Նրա խոսքով՝ Խվորոստովսկին հիմա Լոնդոնում է, նրա հետ է նաեւ ընտանիքը, փոխանցում է Lenta-ն։
«Բժիշկները դեռեւս ոչինչ չեն կարող ասել. նա պետք մանրամասն բուժզննում անցնի»,-ասել է գործակալության զրուցակիցը։
52-ամյա «ոսկե բարիտոնը» հրաժարվել էր մի քանի ռուսական կազմակերպությունների օգնության առաջարկից։ Դրանց թվում էր «Ռուսոֆոնդ» կենտրոնը, որը հայտնի է Ժաննա Ֆրիսկեի համար հանգանակություն կազմակերպելու իր ակցիայով։
