Հունիսի 25-ին Ժնեւում ՄԱԿ-ի Մարդու իրավունքների խորհուրդն իր 29-րդ նստաշրջանի ընթացքում հաստատեց Համընդհանուր պարբերական դիտարկման գործընթացի շրջանակներում Հայաստանի վերաբերյալ երկրորդ զեկույցը:
Հայկական պատվիրակությունը ղեկավարում էր ՀՀ ԱԳ նախարարի տեղակալ Աշոտ Հովակիմյանը:
Զեկույցի քննարկումն անցավ կառուցողական երկխոսության մթնոլորտում: ՀՀ պատվիրակության ղեկավարը հակիրճ անդրադարձավ Հայաստանում, վերջին ամիսների ընթացքում, մարդու իրավունքների ոլորտում տեղի ունեցած զարգացումներին, ինչպես նաեւ՝ ստացված հանձնարարականների համատեքստում, կառավարության հետագա ձեռնարկելիք քայլերին:
Հայաստանն, ընդհանուր թվով, ստացել է 189 հանձնարարական, որից 155 ընդունել է, 20-ն՝ ընդունվել է մասամբ, 4-ը չի ընդունվել:
