«Գազպրոմը» կարող է վերսկսել գազի մատակարարումներն Ադրբեջան տարեկան մի քանի մլրդ խմ ծավալով: Այս մասին հայտնել է «Գազպրոմի» ղեկավար Ալեքսեյ Միլլերը, հաղորդում է «ՌԻԱ Նովոստին»:
«Մեր ադրբեջանցի գործընկերները դիմել են մեզ՝ խնդրելով ամենամոտ ժամանակներս սկսել ռուսական գազի մատակարարումներն Ադրբեջան»,-հայտարարել է Միլլերը:
«Գազպրոմի» ղեկավարը Ադրբեջանի ցանկությունը բացատրել է Ադրբեջանի տնտեսության աճով:
Միլլերը նշել է, որ ներկայումս գործում է հին համաձայնագիրը, սակայն դրա հիման վրա գազի մատակարարումներ չեն կատարվել: