Ռուսաստանի Ուֆա քաղաքում, այսօր՝ հունիսի 28-ին, ճանապարհապարեկային ծառայության գնդի շենքում հրդեհ է բռնկվել։ Հրշեջները վերացնում են հրդեհի հետեւանքները։
Ռուսաստանի ԱԻՆ տարածաշրջանային վարչության ներկայացուցչի տեղեկատվությամբ, հրդեհի մասին հազանգն ստացվել է տեղի ժամանակով 10.30-ին։ «Դեպքի վայրում աշխատում են հրշեջ հաշվարկները, տուժածների մասին տեղեկություններ դեռ չկան»,-ասել է զրուցակիցը, հաղորդում է «ՌԻԱ նովոստին»։
Ականատեսների խոսքով, փողոցը փակ է, շենքի երրորդ հարկի պատուհանից ծուխ է դուրս գալիս։
