Շիրակի մարզում հերթական ցավալի միջադեպն է եղել, տուժողը նորից երեխա է: NEWS.am-ին հայտնի դարձավ, որ Արթիկում 1 տարեկան 2 ամսական երեխան իր վրա է շուռ տվել տաք ջուրը, ինչի հետեւանքով այրվածքներ է ստացել: Նրան Շիրակի մարզից տեղափոխել են Այրվածքաբանական կենտրոն: Հիվանդանոցի ղեկավար Նորայր Դավիդյանն ասաց, որ երեխան գտնվում է Վերակենդանացման բաժանմունքում, մարմնի մակերեսի մոտ 40 տոկոսը այրվել է, վիճակը ծայրահեղ ծանր է:
Հիշեցնենք, որ օրեր առաջ էլ Գյումրիում էր նմանատիպ դեպք եղել, 7 ամսական երեխան այրվածքներ էր ստացել լողանալու ջրի տաք լինելու հետեւանքով եւ մահացել:
