Անտուան դե Սենտ-Էկզյուպերիի գրքերի հրատարակությունը կրկին համաշխարհային ռեկորդ է սահմանել: Հրատարակչական աղմուկն այս անգամ կապված է ֆրանսիացի գրողի ստեղծագործությունների հեղինակային իրավունքների գործողության ժամկետի լրանալու հետ:
Գրողի հիմնադրամից ՏԱՍՍ-ին փոխանցել են, որ հանրահայտ «Փոքրիկ Իշխան» գիրքը, որի ընդհանուր տպաքանակը հասել է 150 մլն օրինակի, 2015 թվականի ապրիլի 1-ից պաշտոնապես «հանրության սեփականությունն» է դարձել, ինչն անմիջապես անդրադարձել է գրքերի շուկայի վրա:
Երկրների մեծ մասի օրենքները հեղինակային իրավունքների պաշտպանության 70-ամյա ժամկետ են սահմանում: Սակայն նաեւ բացառություններ կան: Ֆրանսիայում, օրինակ, գրողի ստեղծագործությունների նկատմամբ այդ կանոնը չի գործում: Այստեղ այդ իրավունքները պաշտպանված են մինչեւ 2032 թվականը:
