Պերմյակովի գործը ՀՀ-ին հանձնելու վերաբերյալ նախագահի հայտարարությունը հայ հասարակությանը մոլորեցնելու եւ հակառուսական տրամադրությունները մեղմելու նպատակ ուներ: Այս մասին այսօր՝ հուլիսի 1-ին, լրագրողների հետ զրույցում ասաց ԱԺ «Ժառանգություն» խմբակցության պատգամավոր Զարուհի Փոստանջյանը:
«Պերմյակովին ՀՀ-ին հանձնելը միտումնավոր հայտարարություն էր, որը հանրությանը խաբելու եւ ուշադրությունը ընթացող պայքարից շեղելու համար արվեց: Նաեւ հանրության վերաբերմունքը Ռուսաստանի նկատմաբ մեղմելու նպատակ կար»,- ասաց նա:
Զարուհի Փոստանջյանի խոսքով՝ ոչ ոք մինչ օրս Պերմյակովին չի տեսել, եւ տեղյակ չէ՝ նա որտեղ է, հետեւաբար անհնար է առանց մեղադրյալի նրա նկատմամբ քրեական հետապնդում իրականացնել:
«Կարող է՝ ինչ-որ մեկը նրան դռան անցքից տեսել է, բայց դրանից առաջ նրան չի տեսել: Ինչքանո՞վ են համոզված, որ նրան են տեսել: Հայկական կողմը պետք է գնա եւ ձերբակալի նրան եւ տեղավորի որեւէ ՔԿՀ-ում»,- ասաց պատգամավորը:
Նշենք, որ ՀՀ եւ ՌԴ դատախազությունների միջեւ երկարատեւ բանակցություններից հետո որոշում է կայացվել հունվարի 12-ին Գյումրիում Ավետիսյանների ընտանիքի պանության դեպքի առթիվ ՌԴ իրավապահների կողմից հարուցված քրեական գործի վարույթը ՀՀ իրավապահներին հանձնելու վերաբերյալ:
