Օդեսայի նահանգապետ Միխայիլ Սահակաշվիլին կոչ է արել Ուկրաինայի Առողջապահության նախարար Ալեքսանդր Քվիթաշվիլին հրաժարական տալ։ Այս մասին հայտնում է «Գրոմադսկե TV»-ն։ Հեռուստաընկերության տեղեկությունների համաձայն՝ քաղաքական գործիչն այդ հայտարարությունն արել է Focus on Odesa region դոնորների կոնֆերանսի ժամանակ։
Սահակաշվիլին նշել է, որ առողջապահության նախարարի պաշտոնում պետք է ավելի ագրեսիվ գործել, ինչը Քվիթաշվիլին չի կարող։
«Պետք է ավելի արագ կոտրել առողջապահության նախկին համակարգը եւ նորը մտցնել։ Նոր նախարարը կանի այդ աշխատանքը, բայց ավելի ագրեսիվ»,-ասել է Սահակաշվիլին։