ՀՀ ԳՆ սննդամթերքի անվտանգության պետական ծառայության պետի որոշմամբ՝ հուլիսի 1-ից կասեցվել է Ա/Ձ Նաիրա Խլոպուզյանի արտադրամասի «Կիեւյան կոտլետ», «Տավարի մսով կոտլետ», «Պելմենի ռուսական» արտադրատեսակների արտադրությունը:
Նաիրա Խլոպուզյանին պատկանող արտադրամասում իրականացված ստուգման ընթացքում արտադրության փուլում հայտնաբերվել է վտանգավոր սննդամթերք. ստուգման արդյունքում պարզվել է, որ այդ արտադրամասում արտադրված «Կիեւյան կոտլետ»-ը ԱՑԽՄ եւ սալմոնելա, «Տավարի մսով կոտլետ»-ը ԱՑԽՄ, սալմոնելա եւ բորբոսասնկեր, իսկ «Պելմենի ռուսական»-ըԱՑԽՄ եւ բորբոսասնկեր ցուցանիշներով չեն համապատասխանում Մսի եւ մսամթերքի տեխնիկական կանոնակարգի պահանջներին:
Անհատ ձեռնարկատիրոջը հանձնարարվել է մինչ հուլիսի 20-ը վերացնել խախտումները՝ նշված արտադրատեսակների տվյալ խմբաքանակները («Կիեւյան կոտլետ» (0.3կգ) 25 հատ, «Տավարի մսով կոտլետ» (0.35կգ) 40 հատ եւ «Պելմենի ռուսական» (0.45կգ) 20 հատ՝ արտադրված 16.06.2015թ.) իրացման կետերից հետ կանչել, օգտահանել կամ ոչնչացնել, արտադրությունը համապատասխանեցնել տեխնիկական կանոնակարգի պահանջներին, թողարկել փորձնական արտադրանք եւ ներկայացնել լաբորատոր փորձաքննության անհամապատասխանության ցուցանիշներով: