Ճանապարհային ոստիկանության պետ է նշանակվել գնդապետ Արմեն Վաչիկի Հակոբյանը: NEWS.am-ի տեղեկություններով՝ նրա հրամանն արդեն եղել է:
Արմեն Հակոբյանը նախկինում Ներքին անվտանգության վարչության պետն էր: Նա ծառայել է ՀՀ ՊՆ ռազմական ոստիկանության վարչության քննչական բաժնում՝ որպես քննիչ, զինդատախազությունում, քննչականի բաժնի պետ է եղել, ՀՔԾ-ում է աշխատել եւ այլն: ՀՀ ոստիկանության պետի 2011 թ. նոյեմբերի 7-ի հրամանով նշանակվել է ՀՀ ոստիկանության ներքին անվտանգության վարչության պետի պաշտոնին: Ամուսնացած է, ունի մեկ որդի և մեկ դուստր:
Ավելի վաղ հայտնել էինք, որ Հայաստանի Ճանապարհային ոստիկանության պետ, գեներալ-մայոր Արտակ Հարությունյանն ազատվել է աշխատանքից: Նա մեզ հետ զրույցում նշել է, թե առողջական խնդիրներ ունի, գնում է բուժման:
Նշենք, որ Արտակ Հարությունյանը նախկինում աշխատել է դատախազությունում՝ զբաղեցնելով տարբեր բարձր պաշտոններ: Այնուհետեւ նշանակվել է ոստիկանապետի խորհրդական, իսկ 2014թ հոկտեմբերին նշանակվել ՃՈ պետ: Արտակ Հարությունյանի օրոք Ճանապարհային ոստիկանությունում բազմաիթվ պաշտոնանկություններ եղան: