Մեքսիկայի բնակչուհին բանտում է հայտնվել, քանի որ հրաժարվել է արդուկել զբոսանքի գնալ պատրաստվող ամուսնու հագուստը:
Ըստ The Daily Star-ի, 21-ամյա Դուլսե Գարսիայի ամուսինը՝ Էդգար Ալվարադոն, կնոջ դեմ բողոք է ներկայացրել ոստիկանությունը, եւ երիտասարդ կինը հայտնվել է ոստիկանական բաժանմունքում: Նրան մեղադրել են տնային պարտականություններն անտեսելու մեջ եւ 465 պեսոյի (31 դոլար) չափով տուգանք սահմանել, սակայն Գարսիայի մոտ գումար չի եղել: Տուգանքը չվճարելու համար կնոջը 12 ժամով կալանքի են ենթարկել:
Lenta-ի փոխանցմամբ, Գարսիան բացատրել է, որ չի ցանկացել արդուկել ամուսնու վերկաշապիկը, քանի որ կասկածել է, որ վերջինը զբոսանքի է գնում ոչ թե ընկերների, այլ սիրուհու հետ:
Դեպքը համացանցում քննարկումների առիթ է տվել:
«Հաջորդ անգամ, երբ առավոտյան հարբած տուն գամ եւ կինս սկսի վիճել, ոստիկանություն կզանգահարեմ, որպեսզի գան եւ հանգստացնեն նրան»,- կատակել է օգտատերերից մեկը:
«Կարո՞ղ եք գալ նաեւ իմ կնոջը տանելու: Նա շատ է ուտում եւ ծախսում է իմ փողերը»,- հավելել է մեկ այլ օգտատեր:
