Հանկարծակի հետին պլանում հայտնված ծիծաղող ընձուղտը ԱՄՆ-ում ճանապարհորդող իռլանդացի զբոսաշրջիկների սելֆին ֆոտոռումբի է վերածել, հաղորդում է The Daily Mail-ը:
Ճանապարհորդները պատմել են, որ կենդնանուն հայտնաբերել են միայն մի քանի օր անց, երբ սկսել են դիտել լուսանկարները:
Հարրի Քինգը եւ նրա ընկերուհին՝ Լիզա Քենեդին, որոշել են իրենց ճանապարհորդության ընթացքում ծանոթանալ ԱՄՆ ազգային զբոսայգիներին ու կենդանաբանական այգիներին: «Ծիծաղող» ընձուղտին ու նրա ձագերին նարնք հանդիպել են Ֆլորիդայում Busch Gardens Tampa ազգային այգում, որտեղ ապրում են աֆրիկյան կենդանական աշխարհի ներկայացուցիչներ:
«Երբ մենք տեսանք այս լուսանկարը, չէինք կարողանում հավատալ մեր աչքերին: Շուրջբոլորը շատ կենդանիներ կային, բայց չենք նկատել, թե ինչպես է մոտեցել ընձուղտը»,-պատմել են նրանք, հաղորդում է Lenta-ն:
