Ամերիկացի գիտնականները բացահայտել են, որ աչքերի գույնի եւ ալկոհոլից ունեցած կախվածության միջեւ կապ գոյություն ունի: Վերմոնտի համալսարանի գիտնականների նոր հետազոտությունն ապացուցել է, որ կապուտաչյա մարդիկ ավելի հաճախ են խնդիրներ ունենում ալկոհոլի հետ: Այս ռիսկային խմբին են պատկանում նաեւ բաց երանգներով աչքեր ունեցող մարդիկ՝ խաժակները:

Ընդ որում գիտնականները դեռեւս ոչ մի կերպ չեն կարողանում բացատրել այդ կապը: Ինչպես նշել է հետազոտական խմբի ղեկավար Լի Դավեյը, այս պահին պարզ է միայն, որ աչքի գույնը պայմանավորող գեները դասավորված են նույն այն քրոմոսոմի երկայնքով, որը պատասխանատու է ալկոհոլից կախվածության համար, գրում է Planet-today-ը: