Ուկրաինայի Գերագույն ռադայի պատգամավոր Յուրի Լուցենկոն որոշել է թողնել «Պյոտր Պորոշենկոյի բլոկ» խմբակցության ղեկավարի պաշտոնը: Այս մասին Facebook-ում հայտնել է նրա մամուլի քարտուղար Լարիսա Սարգանը:
«Յուրի Լւցենկոն «Պյոտր Պորոշենկոյի բլոկ» խմբակցության ղեկավարի պաշտոնից հեռանալու դիմում է գրել«»,-նշել է Սարգանը՝ չհստակեցնելով քաղաքական գործչի նման որոշման պատճառները:
Լուցենկոն Ուկրաինայի ՆԳ նախկին նախարարն է, ով երեք տարի բանտում է անցկացրել միջոցների վատնման մեղադրանքով, որից հետո նախագահ Յանուկովիչի կողմից ներում է շնորհվել:
