Հրդեհ է բռնկվել, մեր ուժերով մարել ենք, մինչեւ փրկարարների ժամանելը: Այս մասին NEWS.am-ի թղթակցի հետ զրույցում ասաց Արդարադատության նախարարի մամուլի խոսնակ Ծովինար Խաչատրյանը:
Նա նշեց, որչ հրդեհն էլ փոքր չափերի էր, առանձնապես հսկայական տարածք չի այրվել: «Էլեկտրական մալուխների կարճ միացման պատճառով հրդեհ է եղել, որը, բարեբապատբար, անհետեւանք է, միայն գույքային չնչին վնաս է պատճառվել»- ասաց մամուլի խոսնակը:
Ավելի վաղ հայտնել էինք, որ Հայաստանի ՏԿԱԻՆ-ում, այսօր՝ հուլիսի 4-ին, ժամը 01.21-ին տեղեկատվություն է ստացվել, որ Երեւանի Հալաբյան փողոցի թիվ 41ա հասցեում գտնվող ՀՀ Արդարադատության նախարարության շենքում ծուխ է նկատվում: Դեպքի վայր են մեկնել երկու մարտական հաշվարկ, ՃԿԱԿ ԱԻ արձագանքման եւ օպերատիվ խմբերը: Հրդեհը մեկուսացվել է ժամը 01.47-ին, մարվել` 02.00-ին:Այրվել է նիստերի դահլիճին կից օժանդակ սենյակը (20 քմ) գույքով: