Հունաստանում տեղի ունեցած հանրաքվեից հետո եվրոգոտու երկրների գագաթաժողովը տեղի կունենա հուլիսի 7-ին: Այս մասին հաղորդել է Եվրոպական խորհրդի նախագահ Դոնալդ Տուսկը:
Ավելի վաղ Հունաստանի հարցով գագաթաժողով հրավիրելու առաջարկությամբ հանդես էին եկել Ֆրանսիայի եւ Գերմանիայի իշխանությունները:
Հանրաքվեի արդյունքների նախնական տվյալներով հույների 61,54 տոկոսը դեմ է արտահայտվել վարկատուների առաջարկներին, կողմ է եղել 38,46 տոկոսը, հաղորդում է BBC-ի ռուսական ծառայությունը:
Սպասվում է, որ հանրաքվեից հետո եվրոպական ֆոնդային բորսաների եւ միասնական արժույթի զգալի անկում կգրանցվի: