Հայաստանի վարչապետ Հովիկ Աբրահամյանը հուլիսի 9-ին Մոսկվայում իր ռուս գործընկեր Դմիտրի Մեդվեդեւի հետ կքննարկի Եվրասիական տնտեսական միության շրջանակներում համագործակցության հարցերը։ Այս մասին ասված է ՌԴ կառավարության պաշտոնական կայքում։
«ՌԴ վարչապետ Դմիտրի Մեդվեդեւի եւ ՀՀ վարչապետ Հովիկ Աբրահամյանի միջեւ զրույցի ընթացքում կքննարկվեն երկկողմ առեւտրատնտեսական համագործակցության արդիական խնդիրները եւ ԵՏՄ շրջանակներում ինտեգրացիոն համագործակցության հարցերը»,-փոխանցում է «ՌԻԱ Նովոստի»-ն։